Раённая дзіцячая бібліятэка
прапануе ўсім аматарам беларускай літаратуры
пазнаёміцца з новымі творамі
беларускіх дзіцячых пісьменнікаў.
Бадак, А. Зорка для вавёркі : казкі: для дзяцей малодшага школьнага ўзросту / А. Бадак.- Мн.: «Звязда», 2015.- 40с.
Цi можа пеўнік навучыцца чытаць, а жаба — тая самая, што жыве на балоце — скончыць кансерваторыю? Пісьменнік Алесь Бадак перакананы, што тут нічога неверагоднага няма, яшчэ i не такое можа здарыцца ў свеце. Праўда, у свеце казачным, дзе i жывуць гepoi яго новай кнігі. Юных чытачоў чакаюць цікавыя i вясёлыя гіcторыі, якія вучаць дабрыні, стараннасці, спагадзе, а перадусім вучаць бачыць у паўсядзённым незвычайнае, тое, што можа быць створана толькі з дапамогай фантазіі.
Бутэвiч, А. І. Чараўніца Восень і Сняжынка падарожніца : казкі: для дзяцей малодшага ўзросту / А. Бутэвіч.- Мн. : Звязда, 2015.- 48с.
Кожны дзень, кожную хвіліну вакол нас адбываюцца незвычайныя з’явы i неверагодныя падзеі. Трэба толькі ўмець бачыць нябачныя цуды, хацець слухаць ненапісаныя казкі, якія расказвае нам сама прырода. Паглядзі, як пяшчотна лашчыць сонейка кожную травінку i кветачку, кожнага звярка i птушку. Паслухай, якую ўдзячную песню спявае месяцу i зорам салавейка. Паназірай, як лёгка падае на зямлю, ратуючы яе ад холаду, нябесная сняжынка, як доўга кружыцца ў паветры пажоўклы восеньскі лісток, назаўсёды развітваючыся з роднай галінкай. I тады ты зразумееш, што ўсе мы жывём у казцы. Самай сапраўднай i непаўторнай казцы жыцця. У гэтую займальную казку запрашаюць цябе чараўніца Восень i Сняжынка падарожніца.
Галубовiч, I. I. Вавёрчыны кватаранты : апавяданні, казкі: для малодшага школьнага ўзросту / Я. Галубовіч.- Мн. : Адукацыя i выхаванне, 2015.- 160с.
У зборнік увайшлі як апошнія творы пісьменніка, так i самыя папулярныя з яго папярэдніх кніг «Гронка каліны», «Хто рукавічку згубіў», «Дзівосы роднай прыроды».
Апавяданні прасякнуты вялiкай любоўю да непаўторнай прыгажосці нашай роднай прыроды. Сабраныя пад адной вокладкай, яны — як напамінак пра тое, што ўсе блізкія i знаёмыя з маленства мясціны, дзе мы нapaдзiлicя i жывём.
Kніга будзе цікавая не толькі дзецям малодшага школьнага ўзросту, але i дарослым бацькам, настаўнікам беларускай мовы i літаратуры, выхавальнікам дзіцячых садкоў.
Кажура, В. В. Паэтычныя забавы: вершы-загадкі: для чытання дарослымі дзецям / В. Кажура.- Мн.: Звязда, 2015.- 24с.
«Навучыцца пісаць вершы нельга. Іх трэба адчуваць. Іх трэба думаць» — гэтае вядомае выказванне належыць таленавітаму беларускаму паэту Алесю Пісьмянкову. Трэба ўмець знайсці Слова. Самае патрэбнае. Самае важнае. Самае важкае.
«Паэтычныя забавы» i разлічаны на тое, каб дапамагчы дзіцяці адшукаць гэтае Слова. А потым «падружыць» яго з іншымі ў вершаваным радку. I атрымаць закончаны вобраз.
Разам з гэтым — узбагаціць слоўнік маленькага творцы, развіць яго фантазію i здольнасць бачыць, адчуваць… i разумець тое, пра што гаворыцца ў вершы.
Kніга адрасуецца ў першую чаргу дзецям малодшага школьнага ўзросту, ix бацькам i тым, каму матуліна слова — роднае.
Ліпскі, У. С. Над Аўцюкамі тармазні : вясёлыя гісторыі / У. Ліпскі; маст. Алег Карповіч.- Мн. : Мастацкая літаратура, 2015.- 322с
Па ініцыятыве пісьменніка лаўрэата Дзяржаўнай прэміі Беларусі Уладзіміра Ліпскага адбылося ўзнясенне аўцюкоўцаў. Старажытныя вясковыя паселішчы Малыя i Вялікія Аўцюкі аб’яўлены сталіцай беларускага народнага гумару. Народнага, а не прыдуманага, высмактанага з пальца, таму i мудрага, смешнага, павучальнага.
Кніга пра аўцюкоўцаў, пра ix дасціпныя жарты, анекдоты, забабоны, падколкі, разлічана на ўcix, хто любіць пасмяяцца, хто ўмее весела, з аптымізмам жыць.
Мушынская, Т. М. Хто ў лесе самы смелы?: вершы: для малодшага школьнага ўзросту / Т. Мушынская.- Мн.: Звязда, 2015.- 96с.
Вершы, змешчаныя ў зборніку «Хто ў лесе самы смелы?» вядомай паэтэсы i празаіка Таццяны Мушынскай, адлюстроўваюць дзіцячыя гульнi і захапленні, пейзажныя замалёўкі розных пор года, карціны лесу, поля, вясковага агароду i саду. Творы прасякнуты радасцю, гумарам i трапнымі назіраннямі.
Савасцюк, В.У. Юлін рэстаран: вершы, загадкі, казкі: для малодшага школьнага ўзросту / В. Савасцюк.- Мн.: Звязда, 2015.- 24с.
У кнігу ўвайшлі вершы, загадкі i казкі. Вы прачытаеце, як адпачывае ў бабулі ў вёсцы дзяўчынка Юля. Яна вырасла ў вялікім горадзе i прыехала на канікулы сюды ўпершыню. Напачатку дзяўчынцы стала сумна, але потым Юля знайшла для сябе цікавы занятак — яна адкрыла рэстаран для птушак i жывел, якія жылі на падворку. Аднак не ўсё атрымалася так, як планавала дзяўчынка. I тады на дапамогу прыйшла бабуля…
Kнігa таксама раскажа аб ласунках, якія так любяць дзеці.
Сітуха, У. М. Пра арэхі, сома і бабра : казкі: для дзяцей малодшага школьнага ўзросту / Уладзімір Сітуха.- Мн. : Выдавецкі дом «Звязда», 2014.- 16с.
Цікавыя казкі можа расказаць родная прырода, трэба толкі ўважліва назіраць за тым, што ў ёй адбываецца. Так, як пісьменнік Уладзімір Cітуха. А ў гэтай кніжцы якраз i сабраны такія казкі — пра дабрачыннага бабра, які не даў загінуць маленькім сарачанятам, пра ваверку, якая любць ласавацца зярняткамі з яловых шышак, а таксама пра мудрага сома, што выратаваў жыццё гарэзам-ментузам.